Туркистон шаҳрида Қозоғистон Республикаси маслаҳатларининг 30 йиллиги доирасида Туркистон вилоятининг барча даражадаги депутатлари орасида кичик футболдан вилоят биринчилиги ўтди. Вилоят маслаҳати уюштирган мусобақа қизиқарли лаҳзаларга бой бўлди.

Футбол мусобақасининг тақдирлаш маросимида вилоят маслаҳати раиси Нурали Абишов, вилоят ҳокими ўринбосари Бейсенбай Тажибаев ва халқ ноиблари ғолиб жамоаларни қутлаб, мукофотларни топширишди.

Мусобақа якунига кўра, Туркистон шаҳар маслаҳати депутатларидан иборат жамоа 1-ўринни эгаллаб, 1 миллион тенге мукофот пулига сазовор бўлди. 2-ўрин ва 500 минг тенгени вилоят маслаҳати жамоаси, учинчи ўрин ва 300 минг тенге мукофот Арис шаҳар маслаҳати жамоасига насиб қилди. 4-ўрин ва 200 минг тенге мукофотни Қазиғурт туман маслаҳати жамоаси қўлга киритди. 

Маслаҳатнинг 30 йиллиги муносабати билан уюштирилган мусобақада фаоллик кўрсатган вилоят маслаҳати депутатлари – Баймахан Сулейменов, Ғани Райимбеков махсус мукофот билан тақдирланди.

Маслаҳатларнинг 30 йиллигини нишонлаш, соғлом турмуш тарзини ташвиқот қилиш мақсадида уюштирилган мусобақада вилоят, шаҳар, туман маслаҳати депутатлари, маслаҳат девони ходимларидан иборат 18та жамоа иштирок этди.