Вилоят ҳокими Нуралхан Кўшеров хизмат сафари билан Ўрдабоши туманида бўлиб, Шубар қишлоғида жойлашган “QAGAZPROM” МЧБнинг қоғоз ва картон қолдиқларини қайта ишловчи заводнинг тамал тошини қўйиш тадбирида иштирок этди.

Лойиҳанинг сармоявий қиймати 1 миллиард тенгени ташкил этади. Иншоот 5 гектар майдонни эгаллаган. Режа амалга ошса, 20 янги иш ўрини очилиши кўзда тутилган. 

Завод йилига 5 875 тонна маҳсулот ишлаб чиқариш қувватига эга.

Бу ерда бир кеча-кундузда 190 минг дона тухум лотоги, стакан қўйгич ҳамда оёқ-кийим қутиси каби маҳсулотлар тайёрлаш кўзда тутилган. Тайёр маҳсулотнинг 70 фоизи бозорга, қолган 30 фоизи экспортга йўналтирилади.

Вилоят ҳокими кўламдор лойиҳанинг минтақа иқтисодиётига янги туртки беришини таъкидлаб, минтақа аҳолисини қутлади.

– Ушбу ташаббус – минтақа саноати салоҳиятини юксалтириб, иқтисодий тараққиётга янги туртки берувчи муҳим лойиҳа. Қолаверса, давлат сиёсатининг аниқ натижаси, Ҳукумат қўллови ва сармоядорлар ишончининг мевасидир. Макулатурани қайта ишлаб, картон маҳсулотлари ишлаб чиқарадиган ушбу заводнинг аҳамияти залворли. Янги завод қурилиши муваффақиятли ниҳоясига етишига тилакдошмиз, – деди вилоят раҳбари.

Йил охиригача завод биносини металл конструкциялар ва сэндвич-панеллар билан кўтариш режалаштирилган. Зарур ускуналар Хитойдан келтирилмоқда.