Бошланғич партия ташкилотлари – партиянинг юраги ва пойдевори ҳисобланади. Етакчилар ушбу ташкилотларда тобланишади. Айниқса жорий йилги праймериз пайтида бошланғич партия ташкилотлари орқали  тавсия этилган номзодлар кадр заҳирасига олиниб, Парламентда, маҳаллий маслаҳатлар депутати  бўлишди.
 Туркистон вилоятининг  барча туман, шаҳарларида бошланғич партия ташкилотларининг  ҳисобот-сайлов йиғилишлари   поёнига етди. Муҳим йиғилишлардан   бири 433 аъзоси бор “Туркистон” бошланғич партия ташкилотида ўтказилди. Партия аъзоси Б. Аширбеков раислигида онлайн тартибда  ўтган мажлисда Nur Otan  партияси Туркистон вилоят филиали раисининг  ўринбосари, сиёсий кенгаш аъзоси П. Турсинбаев, вилоят филиалининг  ташкилий-назорат  ишлар  бўлими  мудири, сиёсий кенгаш аъзоси Нурлан Мейирқулов ва бошқа делегатлар иштирок этишди.
Мазкур ташкилот жорий йилги сайлов ва қатор  партиявий лойиҳаларни мувофиқлаштириш пайтида  таҳсинга сазовор  ишлари билан кўзга тушган.
 Тадбирда партия  анжуманига делегатлар  ва БПТнинг  раиси сайланди.  Унга энди Самат Расул раислик қилади.
Партиянинг  барча бирламчи ташкилотларида қатор раислар алмашиб, бюро таркиби янги аъзолар билан тўлдирилди.