Қозоғистон Республикаси палаталарининг қўшма мажлисида Давлат раҳбари Қасим-Жўмарт Тўқаев Қозоғистон халқига “Адолатли давлат. Ягона миллат. Фаровон жамият” номли навбатдаги Мактубини йўллади.

Янги Қозоғистонни бирга қуришда халқ бирлиги ва тизимли ислоҳотлар мамлакатимиз тараққиётининг мустаҳкам пойдеворидир. Мактубда таъкидланган бешта йўналишдан ташқари, Давлат раҳбарининг дастлаб Президент сайловини, сўнг Парламент Мажлиси ва барча даражадаги маслаҳатларнинг сайловини ўтказиш тўғрисидаги таклифини қўллаб-қувватлайман.

Қасим-Жўмарт Тўқаев жорий йилда навбатдан ташқари Президент сайловини ўтказишни таклиф қилди.

– Мен учун давлат манфаати ҳамма нарсадан устун. Шу сабабли ўзимнинг ваколатли муддатимни қисқартиришга ва навбатдан ташқари президентлик сайловида қатнашишга тайёрман. Бундан ташқари, мен кўп фикрлашиб, Президент мандатини бир марталик 7 йиллик муддат билан чеклашни таклиф қиламан, қайта сайланиш ҳуқуқисиз, – деди Қасим-Жўмарт Кемелули.

Шунингдек, Президент Мажлис ва барча даражадаги маслаҳатлар сайловларини келгуси йилнинг биринчи ярмида ўтказишни таклиф қилди. Натижада Президент, Парламент, Ҳукумат сингари асосий сиёсий институтларнинг барчаси янгиланади. Кўламдор сиёсий ўзгаришларни халққа ошкора, одилона эълон қилиш шаффофлик меъёрлари асосида амалга ошади. Дарҳақиқат, Президентлик муддатини чеклаш – халқнинг ишончини оширади. 

Умуман, Адолатли Қозоғистонни барпо этишда туб ва атрофлича ислоҳотларни самарали амалга ошириш учун халқнинг янги ишонч мандати зарур. Адолатли Қозоғистонни барпо этиш бошланди. Унинг тамал тошини қўйиш ҳар бир қозоғистонликнинг фуқаролик бурчидир.