Туркистон вилоятида муқаддам бирон бир жойда эълон қилинмаган ҳужжатлар тўплами чоп этилди. Сиёсий қатағон қурбонларини тўлиқ оқлаш бўйича минтақавий комиссия йил бўйи излаштириш чора-тадбирларини юритиб, натижада 1200 нусхада 3та архив ҳужжатлари тўплами ва 200та монография нашрдан чиқарилди.

Бу янгилик Туркистон вилояти ҳокимининг ўринбосари Бейсен Тажибаевнинг  раислигида ўтган Сиёсий қатағон қурбонларини тўлиқ оқлаш бўйича минтавий комиссия мажлисида маълум қилинди.  Кун тартибида комиссиянинг  бултур бажарган ишлари, ишчи гуруҳ таркибини йўналишлар бўйича тасдиқлаш, жорий йилги режа ва юзага келиши мумкин бўлган муаммолар муҳокама қилинди.

 Вилоят ижтимоий тараққиёт бошқармаси раҳбари Ансар Ўсербаев 2023 йили комиссия томонидан бажарилган режа билан таништирди. Шунингдек, комиссия аъзолари Хазратали Турсин ва Гулнар Шардарбекованинг маърузалари тингланди.

– Давлат раҳбарининг ташаббуси билан қатағон қурбонларининг тарихини ўрганиш, архив ҳужжатларини рақамлаштириш ўз даражасида амалга оширилмоқда. Айниқса, вилоятимиз зиёлилари, олимлар бу ишга ҳисса қўшаётганлигини алоҳида таъкидлаш жоиз.  Ахборот  ишлари бўйича оқланиши жоиз кишилар рўйхати махсус сайтга жойлаштирилади, – деди вилоят ҳокимининг ўринбосари Бейсен Тажибаев.