Давлат тараққиёти унинг сиёсий тизими, замон талабларига мувофиқ амалга ошириладиган ислоҳотларга боғлиқ. Бугунги давр биздан янгича фикрлаш, янгича услублар билан ишлашни талаб қилмоқда. Давлатимиз раҳбари VIII чақириқ Парламентнинг биринчи сессияси очилишида сўзлаган нутқида ушбу вазифаларни ҳал этиш бўйича кўрсатмалар берди.

– Олдимизда жуда муҳим вазифалар турибди. Биз мажмуавий янгиланиш бўйича фаолиятни кучайтиришимиз зарур. Мамлакатимиз кўп йиллардан буён қулай ташқи иқлимга таяниб келмоқда. Турли нуқтаи назар ва дастурларга ишонди. Бажарилган ишлар ҳақидаги ёлғон маълумотларга ишонишга мажбур бўлди. Бироқ, энг муҳим ва долзарб масалалар эътибордан четда қолди. Одамларнинг турмуш даражаси ҳамон яхшиланмади. Бойлар ва камбағаллар ўртасидаги тафовут кучайди. Келгуси беш йилда Ҳукумат ва Парламент шу каби асосий муаммоларнинг ечимини топиши керак, – деди Қасим-Жўмарт Кемелули.

Давлатнинг асосий бойлиги бўлган инсон учун унинг ҳаёти ва турмушига қулай шароитлар зарур. Бунинг учун кучли қонун, юксак сиёсий маданият ва сифатли таълим зарур. Қонун сифатли бўлмаса, ислоҳотлар амалга ошмайди. Ана шу қадриятлар умумий манфаатга айлангандагина жамиятда адолат қарор топади.