Сайрам туман марказий кутубхонасида “Қозоқ даштидаги жанг” мавзуида тарихий-тарбиявий соат ўтди. Тадбир “Ақтабан шұбырынды, Алқакөл сұлама” тарихий даврининг 300 йиллигига бағишланди.

Унда зиёлилар ва этнос ёшлари иштирок этди. 

– “Ақтабан шұбырынды, Алқакөл сұлама” – Жўнғор босқинчилиги (1723-1725 йиллар) натижасида қозоқ халқининг бошидан кечган  азоб-уқубатлари даврини акс эттирадиган воқеадир. Душман тажовузлари бошланишидан олдин қозоқ даласида узоқ давом этган очарчиликнинг экологик, иқтисодий, сиёсий ва ижтимоий оқибатлари ўта жиддий эди. Натижада уч жузнинг сиёсий ва ижтимоий алоқалари заифлашди, саноат муносабатлари ночорлаша бошлади. Ички бўлиниш, ҳокимият учун кураш душмандан ҳам хавфлироқ эди. Жўнғор армиясининг босқинчилиги ва очарчилик халқларнинг аҳволини анча оғирлаштириб юборган эди, – деди илк сўз навбатида туман маданият, тилларни ривожлантириш, жисмоний тарбия ва спорт бўлими раҳбари Мади Нурлибаев.

“Тадбирда оқсоқоллар ва этник гуруҳлар вакилларининг фикрлари тингланди. Сўнгра, болалар шеърларни ифодали ўқишди ва туман Маданият уйи санъаткорлари қўшиқлар ижро этиб, томошабинларга хушкайфият бағишладилар.