Қизилўрда шаҳрида Туркистон вилояти ташкил этилганига 5 йил тўлиши муносабати билан “Фараб” оммабоп кутубхонаси ташаббуси ила “Беш йилликка – беш адабий сафар” маънавий-маданий тадбир ўтди. 

А. Тажибаев номидаги Қизилўрда вилоят илмий-оммабоп кутубхонасида икки минтақа адиблари ва кутубхоначилари бош қўшишди.

Йиғин таниқли оқин Серик Идрисовнинг “Фараб” жамоасига бағишланган табриги билан очилди. 

Унда сўзга чиққан кутубхона раҳбари Жанат Шардарбекова қизилўрдалик ҳамкасби, кутубхона директори Нурлибек Карибўзулига вилоят ҳокими ўринбосари Б. Тажибаевнинг саломини етказиб, фахрий ёрлиқ топширди. Тадбирда Маданият соҳаси аълочиси Жанат Шардарбекова бошлаган делегация таркибидаги оқин, “Алтын қаурсын” медали соҳиби Сайлаухан Жўланов, оқин, бастакор қўбизчи Шерхан Алибеков ва бошқалар иштирок этишди.

Маънавий сафар доирасида А. Тажибаев номидаги Қизилўрда вилоят илмий-оммабоп кутубхонаси ва қизилўрдалик ижодкорлар жами 4000га яқин китобни “Қишлоқ кутубхоналарига 20 минг китоб” акцияси доирасида тортиқ қилди.