Вилоятимизда буюк мутафаккир ва шоир Абай Қунанбаев таваллудига бағишланган қатор тадбирлар ташкил этилиб, унинг ижоди кенг тарғиб қилинмоқда. Вилоят “Фараб” илмий-оммабоп кутубхонаси томонидан ташкил этилган тадбир Туркистон шаҳридаги Абай ҳайкалига ҳурмат бажо келтириш билан бошланиб, “Буюк халқнинг улуғ Абайи” адабий-маънавий кеча билан давом этди. 

Шунингдек, “Ұлы Дала Елі” марказида Туркистон вилояти ёшлар сайёҳлик станцияси раҳбарлари ва ўқувчилари иштирокида Абай шеърларини ўқиш мусобақаси ўтказилди. Мактаб биносида “Шамолсиз тунда ёруғ ой” мавзуида маърифий байрам ўтди.

Абай ижодини тарғиб қилиш мақсадида вилоятнинг туман-шаҳарларида тадбирлар ўтказилди. Жумладан, Тулкибош ва Ўтирор туман кутубхоналарида “Абай ўқишлари” кўрик-танлови ташкил этилиб, ғолиблар тақдирланди. Сариоғоч тумани ва Тулкибош туманидаги Маданият уйларида адабий кеча уюштирилди. Арис шаҳридаги марказлаштирилган кутубхонада “Абайни билиш – бурчимиздир” мавзуида маърифий кеча ташкил этилди.

 Димаш Қудайбергенов бошлаган чалленж вилоятимиз ёшлари томонидан қўллаб-қувватланди. 

Туркистон вилоятидан икки ўқувчи Қозоғистон Республикаси Маориф вазирлиги ташаббуси билан Абай вилоятида ўтказилган ХХIV республика Абай ўқувларида вилоятимиз шарафини ҳимоя қилиб, 2-ўринни эгаллади.