Вилоятимизда Жанубий Корея давлати билан ҳамкорликда мамлакатимизда муқобили бўлмаган лойиҳалар амалга оширилади. Хусусан, IT соҳаси мутахассисларини тайёрловчи техника олий ўқув юрти, шунингдек, пахта кластерини ривожлантириш йўналишидаги янги лойиҳалар ҳаётга татбиқ этилади.

Вилоят ҳокими Дархан Сатибалди олим, 2007 йилги Нобель мукофоти лауреати Рае Квон Чунг билан учрашиб, истиқболли лойиҳаларни муҳокама қилди. Кореялик олим “яшил” энергетика соҳасини ривожлантиришга оид лойиҳаларни ҳам таклиф қилди.

Нобель мукофоти лауреати ўқув дастуридан ташқари “яшил пахта” лойиҳасини амалга оширишни тавсия қилди. “Ақлли лойиҳа” 60 фоиз сувни тежайди ва йилига 2-3 марта пахта ҳосилини олиш имконини беради. 

Учрашувда яна бир ўзгача лойиҳа муҳокама қилинди. Кореялик олимнинг айтишича, дунёда муқобили бўлмаган Корея Республикасида мавжуд шамол электр станциясини Туркистон вилоятида ҳам қўллаш мумкин. Иншоотнинг баландлиги – 100 метр. У табиатга зарар етказмайди ҳамда сайёҳларнинг эътиборини тортиши табиий.

Учрашув поёнида томонлар лойиҳаларни атрофлича муҳокама қилиб, ҳамкорликни кучайтиришга келишиб олишди. Вилоят раҳбари Туркистон минтақасида амалга ошириладиган лойиҳалар тўлиқ қўллаб-қувватланишини таъкидлади.