3 йил ичида Туркистон вилоятидаги барча чиқиндихоналар тасдиқланган талабга мувофиқлаштирилиши керак. Мазкур соҳага сармоядорлар жалб этилиб, уни ишончли бошқарувга ўтказиш орқали тартибга келтириш зарур. Вилоят ҳокими Д. Сатибалди аҳоли манзилларидаги ноқонуний чиқиндихоналарни бартараф этиб, соҳани тартибга келтириш мақсадида мутасадди раҳбарларга аниқ топшириқлар берди. 

Вилоят табиий захиралар ва табиатдан фойдаланишни созлаш бошқармаси раҳбари Қ. Абдуалиевнинг айтишича, аҳоли сони 2 млн.дан ортиқ бўлган 800дан зиёд қишлоқларнинг атиги 43 фоизида маиший чиқиндиларни олиб кетиш масаласи ҳал қилинган. Туманларда бу масала долзарблигича қолмоқда. Вилоятда чиқинди ташиш билан 58та корхона шуғулланади, 247та техника ажратилган. Вазирликнинг топшириғига биноан техникага GPS тизими ўрнатилиб, чиқинди ташийдиган транспорт воситалари ҳақидаги маълумотлар “Табиий захиралар ва атроф-муҳит ҳолати тўғрисидаги миллий банк” жамғармасига етказиб турилиши шарт. Вилоят миқёсида фақат Туркистон, Кентов шаҳарларида бу топшириқ бажарилмоқда. Бошқа туманларда эса мазкур тизим умуман йўқ,  деди у.   

2024-2026 йилларда 71та чиқиндихона учун ер ажратилиб, қурилиш ишлари бошланади.