ҚР Президенти Қасим-Жўмарт Тўқаев Астанадаги “Атамекен” этномемориал мажмуасида Давлат байроғини кўтариш маросимида иштирок этди. 

Фахрий қоровул ротаси бошлиғи Давлат раҳбарига тантанага тайёргарлик ҳақида ҳисобот берди. Давлат мадҳияси янгради, Давлат байроғи кўтарилди. Қасим-Жўмарт Тўқаев йиғилганларни Давлат рамзлари куни билан табриклаб, бу юрт қудратини мустаҳкамловчи тантанали шодиёна эканлигини таъкидлади.

– Мовий байроғимиз – фахримиз! Спортчиларимиз халқаро мусобақаларда ғалаба қозониб, байроғимизни кўп маротаба сарбаланд этишган. Яқинда довюрак қизларимиз Эверестни забт этишди. Байроғимиз яна бир бор дунёнинг энг баланд чўққисида ҳилпирай бошлади. Олимпия ўйинлари яқинлашмоқда. Ўйлайманки, халқимиз Парижда ҳам байроғимизни сарбаланд этади, – деди Президент.

– Давлат рамзлари асосий қадрият ва ғояларни ойдинлаштиради, ҳар бир инсон қалбида Ватани билан ҳақиқий ғурурланиш туйғусини уйғотади. Халқимиз доим оғир дамларда байроқ остида бирлашган. Бирликни сақлаб, юртни, заминни ҳимоя қилган. Ерини кўз қорачиғидек асраб, ўз авлодларига етказиб берган. Ўша омонатга содиқ қолиш авлодларимизнинг буюк мақсадидир, – деди Қасим-Жўмарт Тўқаев.