Сайрам тумани ҳокими Арман Сабитов фуқароларни шахсий масалалар бўйича қабул қилди. Ҳар чоршанба куни ўтказиладиган қабулда фуқароларни ташвишлантираётган масалалар муҳокама қилинди.

Навбатдаги қабулда ҳам фуқаролардан бири уйи яқинидаги қабристонни иҳоталашни сўранди. Туман ҳокими ушбу масала туман ер муносабатлари бўлими томонидан ўрганилишини маълум қилди.

Яна бир фуқаро манзилли ижтимоий ёрдам олишга кўмак сўраб мурожаат қилди. Мазкур масалани аниқлаш учун туман бандликни таъминлаш ва ижтимоий дастурлар бўлими мутахассислари томонидан тегишли чоралар кўрилиши таъкидланди. Шунингдек, ерни расмийлаштириш юзасидан шикоят қилган фуқарога вилоят ихтисослаштирилган туманлараро маъмурий судида қонун доирасида тегишли иш юритилаётганлиги айтилди.

Фуқаролардан бири уй қуриш учун Оқсувкент қишлоғи ҳудудидан ер сўради. Бугунги кунда мазкур қишлоқда бўш ер майдонлари йўқлиги сабабли унга “Электрон ҳукумат” веб-портали ёки “Фуқаролар учун ҳукумат” давлат корпорацияси орқали бошқа қишлоқ ҳудудидан ер олиш учун навбатга туриш тартиби тушунтирилди. Шунингдек, Оқбой қишлоғидаги ер масаласида судга мурожаат қилиш зарурлиги айтилди.

Шахсий қабулда Қорабулоқ қишлоғи фуқаролари Элтой бобо ва Ғафур Ғулом кўчалари чорраҳасида жойлашган кушхонани ёпишга ёрдам беришни сўрашди. Мазкур масалага доир вилоят, туман ҳокимликлари, вилоят ветеринария бошқармаси ва вилоят ҳудудий инспекцияси раҳбарларига махсус хат юбориш зарурлиги уқтирилди.

Сайёр қабулда аҳолидан берилган саволларга қонун доирасида жавоб қайтарилиб, соҳа раҳбарларига тегишли топшириқлар берилди.