Вилоят ҳокими Нуралхан Кўшеровнинг аҳоли билан учрашувлари ва шахсий қабуллари мунтазам давом этмоқда. Қозоғистон Республикаси Президентининг “Халқ дардига қулоқ тутадиган мамлакат” стратегиясига мувофиқ, Ўрдабоши туманида ҳам учрашув уюштирилиб, унда ҳоким туман аҳолисининг талаб-истак, мурожаатларини тинглади. 

Шунингдек, шахсий қабул ўтказиб, масалаларни ҳал этиш йўлларини муҳокама қилди. Мутасадди шахсларга кўтарилган масалаларни ҳал этиш юзасидан сифатли иш юритишни топширди. 

Учрашувда вилоят раҳбари туман тараққиёти кўрсаткичларига тўхталиб, янги корхоналар очиш, иқтисодиётни ранг-баранглаштириш йўналишида таклифлар билдирди.

Учрашувдан сўнг, Н. Кўшеров фуқароларни якка тартибда қабул қилди. Унда инфратузилма, соғликни сақлаш, таълим сифати, экология ва қишлоқ хўжалиги соҳаларига оид масалалар илгари сурилди. 

Таъкидлаш жоиз, вилоят ҳокимининг аҳоли билан учрашувлари барча шаҳар ва туманларида ўтмоқда. Ҳоким қабулига “eOtinish” ягона базаси орқали ёки “Ашық әкімдік” идорасига келиб, ариза бериш орқали ёзилиш мумкин.