Мен катта юк машинасининг ҳайдовчисиман. Бу йилги транспорт солиғи ҳақида маълумот берсангиз. Эшитишимча, солиқ тўлаш муддати узайтирилибди. Бунинг сабаби нимада? Балки кейин ортиғи билан тўлаш керакдир?

Н. ҲАМРОҚУЛОВ. Сайрам тумани.

Ҳар йили ҚРда 1 октябрь куни ер, мол-мулк ва транспортга солиқ тўланарди. Ўтган йилда бу тартиб бироз ўзгарди. Транспорт солиғини 31 декбаргача тўлаш мажбурияти мавжуд эди. Энди бу қоида ҳам ўзгарди.

Жисмоний шахсларнинг транспорт воситаларидан олинадиган солиқ жисмоний шахслар томонидан солиқ мажбуриятларини тўғри ҳисоблаш ва транспорт воситаларига эгалик қилишнинг ҳақиқий даври ўзгариши сабабли, ортиқча тўлов шаклланишига йўл қўймаслик, транспорт воситаларига нотўғри (ортиқча) тўланган солиқни қайтариш муносабати билан сансалорликни бартараф этиш мақсадида, транспорт солиғини тўлаш муддати жисмоний шахслар учун ҳисобот йилдан кейинги йилнинг биринчи чораги охирига ўтказилди. Ушбу меъёр доимийдир. Қонунда транспорт солиғи 1 апрель 2021 йилгача тўланиши лозимлиги тасдиқланди.

Президент Солиқ Кодексига 2021 йил учун тузатишларни имзолади. Ер ва мулк солиғи қўшиб тўланадиган бўлди. Ер участкалари ва мол-мулкка оид солиқ амалдаги тартибга мувофиқ алоҳида ҳисоблаб чиқилади, шу билан бирга, солиқ тўловчига бир миқдор (битта бюджет таснифи коди) бўйича тўлов тақдим этилади. 

Шундай қилиб, ушбу қоидалар жисмоний шахслар учун тўлов тартибини соддалаштириш учун жорий этилмоқда. Кўп қаватли уйларнинг эгалари эса ер солиғини тўлашмайди.