“ZHAS PROJECT” лойиҳаси доирасида ёшларга 1 миллион тенге миқдорида грант берилади. Бу ҳақда вилоят “Ёшлар имконият маркази” раҳбари ўринбосари Пердебек Есқулов маълум қилди.

– Бугунги кунда вилоятимизда ишсиз – NEET тоифасидаги ёшлар улушини камайтириш ва қишлоқ ёшларини қўллаб-қувватлаш мақсадида “ZHAS PROJECT” лойиҳаси ишга туширилди. Унинг доирасида NЕЕТ тоифасига кирувчи 20 нафар йигит-қизга тадбиркорлик лойиҳасини амалга ошириш учун 1 млн. тенгедан маблағ ажратилади. Шунингдек, “2021-2025 йилларда” тадбиркорликни қўллаб-қувватлаш бўйича миллий лойиҳа доирасида 621 нафар йигит-қизга 2,5 фоиз устама ҳақ билан 5 млн. тенгегача насия берилади. Жорий йилда ёшларга жами 3 млрд. 105 млн. тенге ажратилди, – деди Пердебек Сержанули.

“ZHAS PROJECT” лойиҳасида 21 ёшдан 35 ёшгача бўлган, ишсиз сифатида рўйхатдан ўтган, ногирон, шунингдек олий маълумотга эга бўлмаган ёшлар иштирок этишлари мумкин. Маблағлар танлов ғолибларига нақд берилмайди, пул касб очиш учун зарур жиҳозлар билан таъминловчи муассаса ҳисоб-рақамига ўтказилади. Минтақа бўйича лойиҳалар 19 мартдан 25 апрелгача қабул қилиб, 20 май куни ғолиблар аниқланади.