Вилоят ҳокимининг ўринбосари Ермек Кенжеханули раислигида қишлоқ хўжалиги соҳаси вакиллари, туман ҳокимлари ўринбосарлари ҳамда Марокаш чигирткасига қарши кураш штаби аъзолари иштирокида қишлоқ хўжалиги зараркунандаларига қарши кураш масаласи муҳокама қилинди.

2024 йилда ўта хавфли Марокаш чигирткасига қарши олиб бориладиган тадбирларни ташкил этиш ва мувофиқлаштириш тўғрисида  ҚР Қишлоқ хўжалиги вазирлигига қарашли давлат инспекция қўмитаси Туркистон вилоят ҳудудий инспекцияси раҳбарияти ҳамда “Тахминлаш маркази” РДК вакиллари маъруза қилишди.

2024 йилда вилоят ҳокимининг қарори билан минтақада қулай фитосанитария муҳитини таъминлаш мақсадида штаб ташкил этилди. Шу асосда барча туман ва шаҳарларда тегишли штаблар ташкил этилиб, профилактика тадбирларига ҳозирлик кўрилмоқда. Жорий йилда Марокаш чигирткасига қарши минтақада жами 271 575 гектар майдонда кимёвий ишлар режалаштирилган. Улардан 162 119 гектари ер усти пуркагичлари билан, 107 350 гектар майдон ҳаво билан, 706 гектар осма пуркагич, 1400 гектар майдонга эса учувчисиз учиш ускунаси билан ишлов берилади.

Қўмита томонидан  162 119 гектар майдонда кимёвий ишлов бериш тадбирларини юритиш учун ўтказилган давлат харидлари танлови натижаларига кўра, Арисда – 17 150 га., Келесда – 16 650 га. ва Сариоғоч туманида – 17 300 га. майдонга, жами 51 100 гектарда  “Satti tulik” МЧБ ғолиб деб топилди.

Айни пайтда 6та АН-2 самолёти иштирокида 107 350 гектар майдонда ҳаво орқали кимёвий тадбирлар олиб борилмоқда. Бугунги кунда  қўмита томонидан ўтказилган ҳавони кимёвий тозалаш ишларига давлат харидлари танлови якунларига кўра, 53 675 гектар майдонда зарарсизлантириш ишларини “Авиакомпания “Дельта-Юг” МЧБ олиб боради.