Туркистон шаҳрида “Ўқувчилар саройи” ва Қозоғистон педагогика фанлари академияси ҳамкорликда уюштирган “Таълим соҳасидаги инновациялар: ғоядан ижрогача” мавзуида республика илмий-амалий анжумани ўтди.

У Қозоғистон Республикаси Маориф вазирлиги, Ал-Форобий номли ҚозМУ, 190та мамлакатда иш юритадиган БМТнинг Болалар жамғармаси (ЮНИСЕФ) ҳамда Туркистон вилоят касаба уюшмалар қўмитаси шафелигида уюштирилди.

Анжуманда Педагогика фанлари академияси президенти, педагогика фанлари доктори, академик Асқарбек Қусайинов, ЮНИСЕФнинг Қозоғистондаги вакили ўринбосари Литисия Баззи Вейл, Абилайхан номидаги Қозоқ халқаро муносабатлар ва жаҳон тиллари университети вакили, педагогика фанлари доктори, профессор Клара Қўнақова, Ал-Форобий номли ҚозМУ муҳандислик ва илғор технологиялар кластери бош директори Амирхан Темирбаев ва таълим соҳасининг бошқа вакиллари қатнашди.

– Дунёвийлашув даврида ўзгаришга учрамаган миллат камдан кам. Шундай экан, биз болаларга таълим беришда миллий кодни сақлашга ҳаракат қилишимиз шарт, деб биламан. Шундагина биз миллат сифатида сақланиб қоламиз. Ҳозирги ёшлар – янги технологияни ўзлаштирмоқда, ахборот майдонида қийинчиликсиз ҳаёт кечира олади. Улар онггига миллий қадриятларни сингдириш – ота-оналар ва таълим масканларининг бурчидир, – деди у.