Корея халқаро савдо ҳамжамияти бошқарма раиси Юн Жин Сик хизмат сафари билан Туркистон шаҳрига ташриф буюрди. Кореянинг 70 мингдан зиёд компаниясини бирлаштирган KITA ҳамжамияти раиси билан Туркистон вилояти ҳокими Дархан Сатибалди учрашиб, келишувлар юритди.

Ҳамжамият раиси меҳмоннавозлик кўрсатган минтақа раҳбарига миннатдорчилик билдирди.

– Туркистонда сиз билан учрашиб турганимдан бағоят хурсандман. KITA ҳамжамияти – Жанубий Кореядаги энг иқтисодий бақувват корхоналар ва бизнес ташкилотларини бирлаштирган ҳамжамият. Биз уларга Туркистон вилоятининг сармоявий салоҳияти тўғрисида маълумот берамиз. Яқинда Корея Республикаси ва Қозоғистон Республикаси Президентлари учрашади. Мамлакатингизда ўтадиган тадбирга Кореянинг ишбилармонлари ташриф буюради. Сармоядорлар қозоғистонлик бизнес вакиллари, минтақалари билан ҳамкорлик ўрнатишларига шахсан ҳисса қўшаман. Жумладан, Туркистон вилоятида янги лойиҳаларнинг амалга оширилиши, самарали шартномалар тузилишидан манфаатдормиз, – деди KITA ҳамжамияти раиси.

Учрашувда вилоятимизда амалга оширилиши режаланаётган лойиҳалар муҳокама қилиниб, ҳамкорликни янада мустаҳкамлашга устувор аҳамият қаратилди.