Вилоятнинг сармоявий муҳитини яхшилаш мақсадида Жанубий Корея давлати билан музокаралар юритилиб, қатор лойиҳаларни амалга ошириш режаланмоқда. 

Вилоят ҳокими Дархан Сатибалди Астана шаҳрида Кореянинг "Вусонг" таълим жамғармаси раиси Ким Джон Хён билан шахсан учрашиб, музокаралар олиб борди. Таълим йўналишида муносабатларни ривожлантириш мақсадида ташкил этилган учрашувда Туркистон шаҳрида ахборот технологиялари соҳасида “Қозоғистон – Вусонг университети”ни ташкил этиш тўғрисидаги шартнома муҳокама қилинди. 

Мақсад – юртимизда Давлат раҳбари Қ. Тўқаев таълим сифатини яхшилаш мақсадида жаҳондаги илғор олий таълим муассасаларининг филиалларини очиш борасидаги топшириғининг ижросини таъминлаш. Бу, аввало, малакали мутахассисларни тайёрлаш, юқори технологияларни ўзлаштиришга имкон беради. Янги илм масканининг инновациялар ва илғор технологиялар марказига айланиши аниқ.

Янги ОТМ лойиҳаси Туркистон минтақасининг тараққиётида муҳим қадам бўлади.

Филиал Туркистон шаҳридаги ОТМлардан бирининг базасида жойлашади.

Олий ўқув юртини очиш тўғрисидаги шартномага 2024 йил февраль ойи бошида Вусонг университети делегациясининг Қозоғистонга сафари чоғида эришилди.