Вилоят ҳокими Дархан Сатибалди хорижлик сармоядорни қабул қилди. Учрашувда икки томонлама ҳамкорликни мустаҳкамлаш, мебелсозликни ривожлантириш, қўшма корхона очиш масалалари муҳокама қилинди.

– Туркий оламнинг пойтахти – Туркистон шаҳрига хуш келибсиз. Хабарингиз бор, бу йил 6-13 июль кунлари Хитой Халқ Республикасида хизмат сафарида бўлдик. Сафар доирасида 3та вилоят ҳокими билан учрашдик, икки давлат ўртасидаги савдо-иқтисодий алоқаларни мустаҳкамлаш масаласи муҳокама қилинди, меморандумлар имзоланди. Мана, бу музокаралар амалий ҳаракатга айланмоқда. Вилоятимизда мебель кластери ривожланмоқда, 100дан зиёд мебелсозлик корхонаси ишлаб турибди. Уларнинг энг йириклари Россия, Қирғизистон, Ўзбекистон ва Тожикистонга маҳсулот экспорт қилмоқда. Сизни қўшма лойиҳани амалга оширишга таклиф қиламиз. Сармоядорлар қўллаб-қувватланади. Мақсадимиз – янги иш ўринларини яратиш, маҳаллий ишлаб чиқаришни ривожлантириш, мамлакатимизни ўз маҳсулотимиз билан таъминлаш, – деди Дархан Сатибалди.

“АҚНИЕТ HOLDING” МЧБ директори Ўмар Бактикерей сармоядор билан шартнома тузилганини маълум қилди. Келгусида вилоятда йирик мебель фабрикасини ишга тушириб, 200 иш ўрни яратилади.