Президент Қасим-Жўмарт Тўқаевнинг “Янги тарихий босқичдаги Қозоғистоннинг долзарб вазифалари” мавзуидаги халққа йўллаган Мактубида Алатау шаҳрини жадал ривожлантириш ва уни сармояларни жалб этиш учун қулай ҳудудга айлантириш юзасидан муҳим вазифалар белгиланди.

Давлат раҳбари ҳар қандай халқаро ҳуқуқий ваколатнинг узоқ муддатли жозибадорлиги, энг аввало, адолатли ва самарали суд тизимига боғлиқ эканлигини алоҳида таъкидлади. Шу муносабат билан Алатау шаҳрида одил судловни таъминловчи махсус суд тизимини ташкил этиш таклиф этилди. Жумладан, инглиз умумий ҳуқуқ тизими моделига асосланган сармоявий суд тижорат низоларини кўриб чиқади, махсус ҳуқуқий тартибга дахлдор бошқа масалалар эса фуқаролик суди ваколатига берилади.

Мазкур ташаббус сармоядорлар ҳуқуқларини ҳимоя қилиш, тадбиркорликка бўлган ишончни ошириш ва қулай сармоявий муҳитни шакллантиришга қаратилган. Ҳукуматга тегишли ўзгартиришларни 2027 йил январь ойининг охирига қадар Қурултой муҳокамасига киритиш вазифаси юклатилди.

Адолатли суд, ишончли ҳуқуқий ҳимоя ва барқарор қоидалар – сармояларни жалб этишнинг асосий кафолатидир. Тадбиркорларнинг қонуний манфаатларини ҳимоя қилиш мамлакат иқтисодиётини ривожлантириш, янги лойиҳаларни амалга ошириш ва ишбилармонлик фаоллигини оширишга йўл очади.