Давлат раҳбари Қасим-Жўмарт Тўқаевнинг Қурултой йиғилишида эълон қилинган “Янги тарихий босқичдаги Қозоғистоннинг долзарб вазифалари” Мактуби мамлакат тараққиёти тарихидаги масъулиятли ва муҳим босқичларга тўғри келмоқда. Бу йил мустақиллигимизнинг 35 йиллиги нишонланади. Бу сана шонли сана бўлиши баробарида, эгаменлигимизни мустаҳкамлаш, ўтмишни сарҳисоб қилиб, келажакка аниқ йўналиш белгилаш имконини берувчи муҳим тарихий палладир.

Давлат раҳбари ўз нутқида таъкидлагани каби, халқ томонидан қабул қилинган янгиланган Конституцияни авлодлар ўртасидаги муқаддас келишув сифатида баҳолаш чуқур маънога эга. Дарҳақиқат, 1 июль куни қонуний кучга кирган Бош Қомусимиз сиёсий тизимни тубдан янгилаш, янги ҳокимлик тизимларини шакллантириш ва жамиятдаги муносабатларни янги сифат босқичига олиб чиқиш учун салмоқли туртки беради. Зеро, ушбу ҳужжатда Қозоғистоннинг бугунги қиёфаси ва келгуси тараққиёт йўналишлари аниқ белгилаб берилган.

Муҳими, мамлакат ҳаётидаги ушбу тарихий бурилишлар ва кенг кўламли ислоҳотларнинг барчаси фуқаролар кўз ўнггида, шаффоф шароитда амалга оширилмоқда. Халқнинг ўз келажагига бўлган ишончи ва фаоллиги ортмоқда.

Шу боис, бугунги Мактубда белгиланган вазифалар мамлакатимизни янги тарихий босқичда янада юксак марралар сари етакловчи стратегик дастуриламал бўлиши шубҳасиз.