Туркистон вилояти делегацияси Хитой Халқ Республикасининг Шенси вилояти, Вейнань шаҳрига хизмат сафари чоғида минтақадаги йирик саноат иншоотларида бўлди. 

Тадбирларда вилоят ҳокими Дархан Сатибалди ва Қозоғистон Республикасининг Сиань шаҳридаги Бош консули Жўшихан Қираубаев раҳбарлигидаги делегация иштирок этишди. Ишчи гуруҳ ва туркистонлик ишбилармонлар Хитойдаги энг йирик ун ишлаб чиқарувчи “Wudli Group Weinan Flour Co” корхонаси фаолияти билан танишди. Корхонада кунига 70 минг тонна сифатли буғдой, йилига 27 миллион тонна ун ишлаб чиқарилади. 35 йиллик тарихга эга ишлаб чиқариш корхонаси дунёдаги етакчи ун ишлаб чиқарувчи компания ҳисобланади. 6 қаватли заводнинг электрон бошқарув марказини 4 киши бошқаради. Корхона давлат кўмагида ривожланиб, Швейцария билан стратегик ҳамкорликни йўлга қўйган.

Шунингдек, ташриф доирасида вилоят делегацияси махсари ёғи заводига ташриф буюрди.Корхонада бир кеча-кундузда 400 тонна, йилига 150 минг тонна махсари мойи ишлаб чиқарилади. Ишлаб чиқариш тўлиқ автоматлаштирилган. Ички бозорни мой маҳсулотлари билан таъминламоқда.