Қозоғистон халқи Ассамблеяси Раисининг ўринбосари – ҚР Президенти Маъмурияти ҚХА Котибиятининг мудири Марат Азилханов Туркистон вилоят ҚХА тузилмалари ва этномаданият бирлашмалари раҳбарлари билан учрашди.

Тадбирда вилоят ижтимоий тараққиёт бошқармасининг раҳбари Ерлан Кузембаев, “Жамоат тотувлиги” ДКК раҳбари Элмира Жанғазиева, вилоят ўзбек этномаданият бирлашмасининг раиси Баҳодир Ирисметов, вилоят татар-бошқирд этномаданият бирлашмаси раисининг ўринбосари Нурия Загидуллина, вилоят тожик этномаданият бирлашмасининг раиси Йўлдош Султонов иштирок этди. 

Шунингдек, учрашувда вилоят ҚХА қошидаги Медиация кенгаши раиси Бақитжан Бейсенбаев, вилоят ҚХА қошидаги Оналар кенгаши раисаси Гулсара Тўққулова, “Жамоат тотувлиги” ДККнинг этнослараро муносабатлар соҳаси мониторингги ва ахборот-тарғибот ишларини ташкил этиш бўлими раҳбари Ҳамид Исоқов бўлди.

Учрашув давомида Марат Алмасули шахсий қабул ўтказиб, таклиф-мулоҳазаларни тинглади. 

Шунингдек, Давлат раҳбарининг ҚХАнинг XXXIII сессиясида айтган вазифалари ва мажбурятларини амалга ошириш, умуммиллий қадриятларни англатиш, ёшларни ватанпарварлик руҳида тарбиялаш ва 5та ижтимоий лойиҳанинг ижросини таъминлаш масалалари муҳокама қилинди.

Қолаверса, минтақалардаги этномедиацияни ривожлантириш истиқболлари, этномедиаторларнинг бирлик ва тотувликни ривожлантиришдаги ҳиссаси ва 2024 йилнинг IV чорагида ўтадиган Республика Этномедиация кенгашига тайёргарлик масалалари таҳлил қилинди.

Сермазмун йиғилишда этномаданият бирлашмалари раислари иш режалари билан таништиришди. Ассамблеянинг ижтимоий ва хайрия лойиҳаларининг амалга оширилиши муҳокама қилинди. ҚХАнинг сессиясида қабул қилинган қарорлар ижроси ҳақида маъруза қилинди.

Учрашувда М. Азилханов Ассамблея вакилларига жамиятдаги дўстлик ва тотувликни ривожлантириш ишлари учун миннатдорчилик билдирди.