Шимкент шаҳар ўзбек драма театрида “Сайрам” тиббиёт коллежи битирувчиларига диплом топшириш маросими ўтди.

Давлат мадҳияси садолари остида очилган тадбирда ҚР Парламент Мажлисининг VI ва VII чақириқ депутати Фахриддин Қоратоев, “Сайрам” коллежи асосчиси, профессор Амирхан Баймағамбетов, коллеж директори Жанара Баймағамбетова ҳамда “Шимкент шаҳри касаба уюшмалари маркази” ташкилоти раиси Бауиржан Алтеев сўзга чиқиб, битирувчиларга оқ йўл тиладилар.

Тадбирда шаҳар маслаҳати депутати Лазиз Сулаймонов, Жамоатчилик кенгаши аъзоси Тоҳирбек Нишонбоев, “Дўстлик” ҳамжамиятининг бош медиатори Аббос Шомирзаев, шунингдек, Ербўл Рабилули, Бауиржан Кенесули, Данияр Ўмаров, Шоира Расулхўжаева ҳамда “Жанубий Қозоғистон” газетаси ходими Зокиржон Мўминжоновлар ҳам эзгу тилакларини изҳор этдилар.

“Даволаш иши”, “Ҳамширалик иши”, “Стоматология” ва “Фармация” мутахассисликлари бўйича таҳсил олган ёшларга қизил дипломлар тантанали равишда топширилди. 

Байрамона концерт эса тадбирга кўтаринки кайфият бағишлади.

Тантана якунида коллеж директори Жанара Амирханқизи, ўқув ишлари бўйича директор ўринбосари Салтанат Кебеева ҳамда ўқув бўлими мудири Баҳодир Акромшиқовлар шогирдлар муваффақиятига беқиёс ҳисса қўшган ота-оналарга самимий миннатдорчилик билдириб, уларга ташаккурномалар топширишди.