Туркистон вилоятида Билимлар кунида янги мактаблар фойдаланишга топширилди. Шулардан бири Қазиғурт туманида очилди. 

Вилоят ҳокими Нуралхан Кўшеров Шарбулақ қишлоғидаги 300 ўринли “Шарбулақ” умумтаълим мактабининг янги биноси очилиши тантанасида иштирок этиб, барчани қутлади.

– Давлат раҳбари Қасим-Жўмарт Кемелули жорий йилги Август анжуманида болаларнинг сифатли таълим олиши ва хавфсизлигига эътибор қаратишни топширди. Қазиғурт туманида фуқароларнинг аризаси бўйича замонавий мактаб фойдаланишга топширилиб, қишлоқдаги таълим муассасаларининг масаласи ҳал этилмоқда. Вилоятда мингдан зиёд мактаб, 550 мингдан зиёд ўқувчи бор. Яъни, Қозоғистондаги ҳар бир еттинчи ўқувчи – Туркистон вилоятининг фуқароси. Янги ўқув йилида 50 мингдан зиёд бола биринчи синфга борди. Биз таълим соҳасини қўллаб-қувватлашни давом эттирамиз. Барчангизни янги бино ва Билимлар куни билан чин қалбимдан табриклайман, – деди Нуралхан Кўшеров.

МХҚнинг вилоят департаменти раҳбари Бўлат Қалмурзаев ва туман фахрийлар кенгаши раиси Сейдулла Сенгирбаев ҳам ҳамқишлоқларини қувончли кун билан қутлашди.

Тақдимот маросимидан сўнг минтақа раҳбари фаоллар билан мактабни оралаб кўрди. Бу ерда ўқувчиларнинг таълим олиши учун барча шароитлар яратилган.