Қазиғурт тумани аҳли Эквадорнинг Гуаякиль шаҳрида ўсмирлар ўртасида дзюдо бўйича ўтказилган жаҳон чемпионатида мамлакат шарафини муносиб ҳимоя қилиб, бронза медалини қўлга киритган Ерик Усeновни тантанали равишда кутиб олдилар.

Қарши олиш маросимида туманнинг зиёлилари, спорт соҳаси мутахассислари, мураббийлар, қишлоқ аҳолиси ва ёш спортчилар иштирок этди.

Тантанали тадбирда туман ҳокими ўринбосари Мақсат Беркинбай сўзга чиқиб, жаҳон мусобақасида совриндор бўлган Ерик 

Жаханбекулини ғалаба билан табриклади. У ёш спортчининг халқаро майдонда эл шарафини муносиб ҳимоя қилиб, Қозоғистоннинг мовий байроғини улуғлаганини таъкидлаб, келгуси мусобақаларига муваффақиятлар тилади. Шунингдек, туман ҳокими ўринбосари ёш чемпионни ғалабага тайёрлаган мураббийи Нурбўлат Малдибайулига миннатдорчилик изҳор этиб, унинг ёш спортчиларни тарбиялаш йўлидаги фидокорона меҳнатини алоҳида таъкидлади.

Эл обрўсини юксалтириб, туман шаънини улуғлаган ёш спортчига туман ҳокимлигидан 500 минг тенге миқдорида пул мукофоти топширилди. Ерик Жаханбекули туғилган  – Шарбулоқ қишлоғи аҳолиси ҳам чемпионга ҳурмат-эҳтиром кўрсатиб, унга арғумоқ миндирди.

Шунингдек, ёш спортчини тарбиялаб, уни юксак чўққилар сари етаклаган мураббийи Нурбўлат Малдибайули ҳам эътибордан четда қолмади. Спорт соҳасида меҳнат қилаётган мураббийлар жамоаси устозга от миндириб, ҳурмат кўрсатдилар.