ҚР Маданият ва спорт вазири Аристанбек Мухамедиулининг хабар беришича, яқин келажакда болалар сайёҳлик поездини ишга тушириш режалаштирилмоқда.

2020 йилдан бошлаб мамлакатнинг барча минтақалари бўйлаб “Болалар сайёҳлик поез­ди”нинг бепул қатнови йўлга қўйилади. Ушбу поезддан асосан кам таъминланган оилаларнинг фарзандлари, таълим бўйича танловларнинг ғолиблари, аълочи ўқувчилар фойдаланиш ҳуқуқига эга бўладилар.  

Мактаб ўқувчилари учун унутилмас ҳордиқ онларини уюштириш шу билан тўхтаб қолмайди. Ақмўла вилоятидаги “Оқкўл” қўриқхонаси ҳуду­дида ҳар йили Nomads Camp ўтовлар тикилган лагери фаолият юритади. 

Ушбу масканда болалар учун ноёб дастур йўлга қўйилган бўлиб, унда ўлканинг тарихи, маданияти ва анъаналарини ўрганиш имко­ниятлари кўзда тутилган. Масалан, оромгоҳда миллий халқ ўйинларини ўйнаш, от миниш, ҳунармандчилик устахоналарида ишлаш, мил­лий таомлар тайёрлаш ва яна бошқа кўплаб янгиликларга гувоҳ бўлиш мумкин. 2018 йилда дам олиш масканида 700дан зиёд ўқувчи ҳордиқ чиқарган бўлса, бу йил 1500дан кўпроқ иштирокчининг келиши кутилмоқда.