Жетисай туманида жорий йилнинг биринчи чорагида етиштирилган ялпи маҳсулот кўлами 16,1 млрд. тенгени, асосий капиталга йўналтирилган сармоя ҳажми 4,1 млрд. тенгени ташкил этган. Бу ҳақда Жетисай тумани ҳокими ўринбосари Серик Пиримбеков маълум қилди.

– Туман экин майдонларининг аксарият қисмида пахта етиштирилади. Ҳозир туманга сармоядорларни жалб этиш ишлари юритилмоқда. Чунончи, қўшни Ўзбекистон Республикасида пахта кластерини ривожлантириш учун сармоядорлар билан бизнес учрашувлари ўтказилиб, икки томонлама музокаралар юритишнинг дастлабки талаблари амалга оширилмоқда. Жорий йилда фуқароларнинг шахсий маблағлари ҳисобидан 

Ж. Ералиев қишлоқ округида қиймати 300 млн. тенгега 10 минг тонналик “ТуранМақта” МЧБ “Пахта хомашёсини қайта ишлаш заводи” лойиҳаси, Жанааул қишлоғида қиймати 350 млн. тенгени ташкил этадиган “Носаноат пахта ишлаб чиқариш” лойиҳаси, Мақтали қишлоқ округида қиймати 790 млн. тенгелик “Мақталы жер” МЧБ “Уруғлик чигит ишлаб чиқариш заводи”, 100 млн. тенгега полиз маҳсулотларини қайта ишлаш цехи, Жетисай шаҳрида миқдори 200 млн. тенгега пойафзал ишлаб чиқариш лойиҳасини ишга тушириш режаланмоқда, – деди Серик Қўнисбекули.

Туманда аҳоли бандлигини таъминлаш ва оммавий тадбиркорликни ривожлантиришнинг 2021–2025 йилларга мўлжалланган “Меҳнат” давлат дастури доирасида 5056 нафар фуқаро вақтинча ишга жалб этилган.