Қазиғурт тумани «Мүрагер» жамоат бирлашмаси фахрийлари Турбат қишлоғига ташриф буюрди. Меҳмонлар Қизилсенгир, Аққум, Сарапхана, Ушбулақ, Алтинтўбе, Жигерген қишлоқлари фахрийларидир. Улар, даставвал, «Исмоил ота» масжидида Қуръон тиловат қилдилар, сўнг қишлоқ турғуни, нафақадаги устоз Баҳром Собитов меҳмонларни масжид  тарихи билан таништирди. 

Жавлон Собитов раҳбарлик қилаётган Туроб Тўла номли мактабда Турбат қишлоқ «Мүрагер» жамоат бирлашмаси раиси, қозоқ тили муаллими Юсуп Байсўпиев ҳамда мактаб жамоаси томонидан «Ватан меҳри – дилларда мангу» мавзуида тадбир ташкиллаштирилди. Унда афғон уруши қатнашчилари ҳам иштирок этишди. 

Тадбир давомида ўқувчилар шеър ва қўшиқлар, рақслар ижро этдилар. «Мүрагер» жамоат бирлашмасининг вилоят бўлими раиси Исмаил Аманқулов, туман бўлими раиси Райимбек Айтубай, Турбат қишлоғи фахрийлар кенгаши раиси Тўле Ағабеков, “Қазиғурт” музейи раиси Ўралбек Тажиевлар сўзга чиқиб, йиғилганларга ўз тилакларини изҳор этишди. Ўқувчиларга одоб-ахлоқ, мардлик, дўстлик, ватанпарварлик ҳақида ўгит-насиҳатлар беришди.