Аҳоли манзилларида инсон ҳаёти ва саломатлиги учун қулай шароитлар яратиш, қишлоқ аҳолисининг бирлиги ва ҳамжиҳатлигини мустаҳкамлаш ва ёш авлоднинг тарбиясига таъсир этиш мақсадида вилоятимизда “Намунали қишлоқ” танлови эълон қилинди. 

Икки босқичдан иборат беллашувнинг биринчи босқичи – 1 март–1 июль оралиғида туман миқёсида уюштирилади.

Иккинчи босқич – вилоят миқёсида 1 августдан–1 ноябрь оралиғида давом эттирилади. Танловда иштирок этишнинг ўзига хос талаблари бор. Унинг иштирокчиларини саралаш учун туман махсус комиссия ташкил этилади. Вилоят якуний босқичида иштирокчи қишлоқлар бир неча омиллар бўйича баҳоланади. Таъкидлаш жоизки, қишлоқнинг кўкаламзорлаштириш кўрсаткичи, ободонлаштириш, тозалиги, экологик ҳолати, инфратузилма, сайёҳликни ривожлантириш, қайд этилган жиноий ишлар, ҳомийлар ҳисобидан барпо этилиб, таъмирланган иншоотлар сони, туғилиш кўрсаткичи, аҳолининг ишсизлик даражаси сингари кўрсаткичлар таҳлил қилинади. 

Шунингдек, танловларнинг вилоят босқичи якунида бош совринни эгаллаган қишлоққа маҳаллий бюджетдан 1та ижтимоий иншоот барпо этиш учун маблағ ажратилади.