Қасим-Жўмарт Тўқаевга одил судловнинг долзарб масалалари ва суд-ҳуқуқ тизимини янада замонавийлаштириш чора-тадбирлари ҳақида маълумот берилди.

Президентга суд-ҳуқуқ тизимини рақамлаштириш, айрим  маъмурий ҳуқуқбузарликлар тўғрисидаги ишларни автоматлаштириш ҳақида маълумот берилди.

 – Инсон ҳуқуқлари ва эркинликларини муҳофаза қилишнинг таъсирли воситасини барпо этиш, халқаро ташкилотлар ва ҳуқуқни муҳофаза қилувчи органлар билан ҳамкорликни кенгайтириш, давлат муассасалари ходимлари ва аҳолининг инсон ҳуқуқлари бўйича маданиятини юксалтириш  мақсадида БМТнинг Инсон ҳуқуқлари ва бошқарув тизимини демократиялашни қўллаб-қувватлаш дастури доирасида мамлакатимизда кенг қамровли ишлар олиб борилмоқда. Медиация тизими ривожланиб, фуқаролик ва маъмурий ишлар бўйича ярашув тартиб-таомилларини қўллаб-қувватлаш кўрсаткичлари ортиб бормоқда, – деди Асламбек Мерғалиев.

Учрашув  якунида Давлат раҳбари  Қозоғистоннинг демократик ўзгаришларга содиқлигини намойиш қилиш, юртимизда кечаётган улкан ўзгаришлар ва янгиланишлар даврида аввало инсон ҳуқуқларини ҳимоя қилиш ва рағбатлантириш бирламчи вазифалардан бири эканилигини таъкидлаб, соҳа кадрлари сифатини яхшилаш, қонун устуворлигини таъминлаш ва аҳолининг судларга ишончини мустаҳкамлаш юзасидан кўрсатмалар берди.