Туркистон вилояти ҳокими Ўмирзақ Шўкеев минтақада Туркистон аҳолиси учун нафақат китоб ўқиш ва уларни сақлаш муассасаси бўлиб қоладиган кутубхона, балки замонавий технологиялар билан жиҳозланган ёшларнинг  севимли марказига айланадиган маънавият марказини барпо этишни топширди.
Минтақа раҳбари вилоят илмий-оммабоп кутубхонасини оралаб, бу ерда  амалга оширилаётган ишлар билан танишди.
– Ушбу марказга ташриф буюрган ёшлар китоб мутолаа қилиб, ижод ва илҳом билан лойиҳаларни амалга оширадиган мажмуа сифатида барча китобсеварларнинг севимли масканига айланиши керак. Бунинг  учун барча шароит муҳайё, – деди вилоят ҳокими.
Кутубхонанинг энг юқори қаватида мутолаа зали мавжуд. Бу ерда керакли нашрни олиб ўқишингиз мумкин. Иккинчи қаватда турли студиялар, устахоналар ва ҳунармандчилик дўконлари жойлашган.
Фаб-лаборатория биринчи қаватдан  ўрин олган. Бу ерда  тадбир ёки тақдимот уюштиришингиз  мумкин бўлган катта зал мавжуд. Биринчи қаватда  тадқиқот маркази, асосий китоб дўкони жойлашган. Шунингдек, бу ерда  нодир китоблар ва қўлёзмалар сақланади. Бундан ташқари, китоблар ва ҳужжатларни рақамлаштириш ва сақлашга мўлжалланган  йирик илмий марказ мавжуд.
Туркистон вилояти ҳокими кутубхонани оралаб, унинг фаолиятини такомиллаштириш юзасидан масъул шахсларга қатор аниқ кўрсатмалар берди.