2021 йил 26 август куни соат 18.47да Байзақ туманидаги 8-сонли ёнғинга қарши хизмат қисмига ҚР Мудофаа вазирлигига қарашли 28349-сонли ҳарбий қисм (Жамбил вилояти, Королёвка қасабаси, Тараз шаҳридан 30 чақирим узоқликда) омборхонасидан тутун чиқаётгани ҳақида хабар берилди.
Ёнғин чиққан жойга вилоят ФВ бўлинмаларидан 34та махсус машина ва шахсий таркибнинг 114 ходими, 15та “Тез ёрдам” бригадаси зудлик билан сафарбар этилди. Гарнизон жадал тарзда ёрдамга чақиртирилди.
Бу ҳақда ҚР ФВВнинг расмий вакили Талғат Уали маълум қилди.
697 кв.м майдонда жойлашган йирик омборхона биноси ёниб, портловчи моддаларнинг бўлаклари 2 км. узоқликкача учиб бормоқда. Тахминий ҳисоб-китобга кўра, ҳарбий омборда 500 тонна тротил сақланган.
Ёнғин чиққан иншоот атрофида 3та аҳоли манзили жойлашган бўлиб, Жибек жўли – 3км (378 одам), Ушбулақ станцияси – 8 км (216 одам), Бўтамўйнақ – 10 км (492 одам), жами 1086 одам истиқомат қилади. Айни пайтда уларни хавфсиз жойга кўчириш тадбирлари юритилиб, ҳозирча 710 одам Тараз шаҳрига (Жамбил политехника коллежи, Темирйўл коллежи, Қозоқ-турк коллежи, Тараз сервиз ва технология, Қанд-завод коллежи, 5, 6, 10, 44, 23, 9, 12, 8, 54 ва 53-сонли мактабларга) жойлаштирилди, 128 одам эвакопунктларда, 582 одам қариндош-уруғларининг уйларида қолди.
90га яқин одам турли жароҳатлар билан касалхоналарга ётқизилди, уларнинг 49 нафари қутқарувчилар.
Мудҳиш воқеа рўй берган жойда мутасадди вазирликнинг жадал гуруҳи вазир етакчилигида иш юритмоқда.
 Шунингдек, Алмати шаҳридан 6та техника, 22 ҳарбий, Туркистон шаҳридан 1та махсус техника, Шимкент шаҳридан қутқарувчилар отряди, 8та техника, ҚР ФВВ тиббиёт ва ҳалокатлар марказининг 33 кишилик шахсий таркиби етиб келди.
Ёнғинни ўчиришга вертолётлар сафарбар этилмоқда.
Миллий гвардиянинг 520 аскари сафарбар этилган бўлса, 250 одам захирада турибди.
Махсус жадал штаб тузилиб, ёнғин тўлиқ бартараф этилгач, аҳолини ўз жойларига кўчириш, темир йўл ва автомобиль йўлларини тиклаш ишлари амалга оширилади.
Аҳолига ахборий ва руҳий ёрдам кўрсатиш учун қайноқ телефонлар ишлаб турибди. ФВВ – 33-32-89, 53-32-79. ФВД – 8(7262) 51-41-67, 51-37-75, +77788109109.
Ҳозирча бу телефонларга 178та қўнғироқ бўлди.