Вилоят оқсоқоллари мамлакатда илк бор ўтказиладиган қишлоқ ҳокимлари сайловига катта умид боғламоқдалар.
Минтақада ушбу сиёсий паллага қизғин тайёргарлик кетмоқда. Вилоятда карантин талабларига риоя қилган ҳолда ушбу аҳамиятли ишга киришилган.
Вилоят ҳокими Ў. Шўкеев Мақтаарал, Чордара ва Жетисай туманларига хизмат сафари билан борган чоғида оқсоқоллар билан учрашиб, сайлов борасида уларнинг фикрлари билан танишди, ҳудудий муаммоларни ҳал қилиш йўлларини излаштирди.
Жетисай тумани оқсоқоллари суғормали ерларни шўрхокликдан тозалаб, унумдорлигини орттириш, яроқсиз ҳолатга келган сув иншоотларини тузатиш, хўжаликларни обикор сув билан таъминлаш, қишлоқ хўжалигига субсидия ажратиш  каби масалаларни кўтаришди.
Вилоят ҳокими барча саволларга тегишли жавобларни мутасаддилар беришини тайинлади.
Чордаралик мўйсафидлар эса қишлоқ ҳокимларининг сайлови халқ ишончини оқлайдиган, ишбилармон, юксак масъулиятли фуқароларни майдонга олиб чиқишига умид боғлашмоқда.
Кўпни кўрган қариялар сайлов одил ўтиши учун қариндош-уруғчилик, ручилик муносабатларига йўл қўймаслик зарурлигини таъкидлашди.
Сафар чоғида ҳоким бир қатор ижтимоий аҳамиятга эга иншоотларни оралаб, хўжаликлар фаолияти билан танишди.