Туркистонда Қозоғистон ва Қирғизистонда хизмат кўрсатган арбоб, Қозоғистон Халқ артисти, профессор, Туркистон шаҳрининг мусиқали драма театри асосчиси ва биринчи бадиий раҳбари Райимбек Сейтметовнинг 85 йиллиги муносабати билан илк бор ташкил этилган «RAIMBEK FEST» I Республика театр фестивали якунланди.

4 кун давом этган танловда мамлакатимизнинг турли минтақаларидан 11та театр жамоаси иштирок этди. Ҳакамлар ҳайъатининг қарори билан «Томошабин арзандаси» номинацияси – Шимкент шаҳар ҳазил ва сатира театрига, «Ҳакамлар ҳайъатининг махсус мукофоти» номинацияси – Алмати шаҳридаги «Жаңа ғасыр» театрига, «Энг яхши ёрдамчи актёр» номинацияси – Жумат Шанин номидаги Шимкент шаҳар академик қозоқ драма театри актёрига, «Энг яхши иккинчи даражали актриса» номинацияси – Асқар Токпанов номидаги Жамбил вилоят қозоқ драма театри актёрига, “Энг яхши аёл роли” номинацияси Нартай Бекежанов номидаги Қизилўрда вилоят қозоқ академик мусиқали драма театри актёрига, «Энг яхши эркак роли» номинацияси – Шахмет Қусайинов номидаги Ақмўла вилоят қозоқ мусиқали ва драма театрининг актёри, «Замонавий мавзуни ўзлаштиргани учун» номинацияси – Абай вилоятининг «Дариға-ай» Семей ёшлар театрига, «Энг яхши бадиий қарор» номинацияси – Қурманбек Жандарбеков номидаги Жетисай драма театрига, «Энг яхши актёрлар гуруғи» номинацияси – Бикен Римов номидаги Талдиқўрған драма театрига, «Энг яхши режиссёр қарори» номинацияси Жамбил вилоят рус драма театрига, “Райимбек Сейтметов номидаги махсус мукофоти” номинацияси Райимбек Сейтметов номидаги Туркистон шаҳрининг мусиқали-драма театри жамоасига топширилди.