Туркистон шаҳрининг янги қиёфасини шакллантиришга аҳоли ҳам салмоқли ҳисса қўшяпти. Яқинда ушбу мавзуга доир жамоат муҳокамаси ўтади. Бу борада куни кеча вилоят ҳокими Дархан Сатибалдининг раислигида ўтган мажлисда айтилди. Вилоят ҳокими мутасадди соҳа раҳбарлари билан янги лойиҳани муҳокама қилди.

Минтақа раҳбари раислигида вилоятда барпо этилаётган ва режаланган лойиҳаларнинг қиёфасига доир муҳокама ўтказилди. Унга меъморлар, мутасадди бошқарма раҳбарлари, шаҳар ҳокимлиги ва бошқа муассасалардан вакиллар таклиф этилди. Туркистоннинг ўзига хос бетакрор меъморчилик услуби бор. Барпо этилаётган янги иншоотлар ҳамда уй-жойларнинг ташқи қиёфаси белгиланган талаб доирасида қад ростламоқда. Тадбиркорлардан уй-жойлар ҳамда сармоявий лойиҳаларнинг ягона намунада, миллий нақшда безалиши талаб қилинади. Янги иншоотлар ўрта аср меъморчилик санъати ва миллий нақшга содиқ қолган ҳолда, ўзгача қиёфада барпо этилади. Шунингдек, қад ростлаётган бинолар аҳолига узоқ йиллар давомида сифатли хизмат қилиши учун ҳар бир лойиҳа атрофлича ўрганиб чиқилади.

 Ушбу йўналишдаги ишларни амалга оширишда бошқа давлатларнинг тажрибалари ҳам эътиборга олинади. Жамоат муҳокамасини ўтказиш ҳам режаланган. Таклифлар кўриб чиқилади. Шаҳар ва аҳоли манзилларнинг қиёфасини яхшилаш тадбирлари босқичма-босқич амалга оширилади. Минтақанинг ягона услуби шаклланади. Қурилиш талабларига риоя қилиш масаласи ҳам эътибордан четда қолмайди.