Туркистонда янги ўқув йили учун 29та мутахассислик бўйича жами 189 ўринга давлат таълим буюртмаси тасдиқланган эди. Шу муносабат билан давлат таълим буюртмасини жойлаштириш бўйича комиссия йиғилиши ўтди. Уни вилоят ҳокими ўринбосари Б. Тажибаев олиб борди. Унда соҳага оид долзарб масалалар муҳокама қилинди.

Шу жумладан, келгуси ўқув йилида олий ва олий ўқув юртидан кейинги маълумотли кадрлар тайёрлаш бўйича давлат таълим буюртмасини ишлаб чиқишга оид ҳужжатлар кўриб чиқилди.

Ушбу кадрларни тайёрлаш бўйича давлат таълим буюртмасини шакллантириш ва тақсимлаш бўйича комиссия йиғилишининг баённома қарори билан тасдиқланган давлат таълим буюртмасига биноан бакалавриат учун 50та ўрин ажратилди. Шу жумладан, 15таси соғликни сақлаш соҳасига оид бўлса, 35таси ахборот-коммуникация технологияларига оид мутахассисликдир. Соғликни сақлаш соҳасига оид ихтисосликлар бўйича резидентурага 139 ўрин бўлинган.

Мутахассислар X. A. Яссавий номидаги халқаро қозоқ-турк университети, С. Ж. Асфендияров номидаги қозоқ миллий тиббиёт университети, Қозоғистон тиббиёт университети, Кардиология ва ички касалликлар илмий-тадқиқот институти, академик Н. Ж. Батпенов номидаги травматология ва ортопедия миллий илмий маркази, Қозоғистон-Россия тиббиёт университетида тайёрланади.